Тараз қаласының Аппасов көшесінде жеңіл автокөлікте өрт оқиғасы тіркелді. Оқиға туралы хабар түскен сәттен бастап төтенше жағдайлар қызметі жедел әрекет етіп, 4 минут ішінде оқиға орнына жеткен.
Құтқарушылардың жедел қимылының нәтижесінде автокөліктегі жалын қысқа уақыт ішінде толық сөндірілді. Оқиға барысында зардап шеккендер тіркелген жоқ.
Алдын ала мәліметтерге сәйкес, өрттің шығу себебі анықталу үстінде. Мамандар техникалық ақау немесе өзге де факторларды қарастыруда.
Қазақстан Республикасының Төтенше жағдайлар министрлігі өкілдері автокөлік иелеріне қауіпсіздік талаптарын қатаң сақтауды ескертіп, көлік құралдарының техникалық жағдайын тұрақты тексеріп отырудың маңызын атап өтті.
