Мәскеу орталығында шақырту бойынша келген жедел жәрдем қызметкерлеріне пышақ ұстаған жасөспірім шабуыл жасаған. Оқиға салдарынан фельдшер мен санитар зардап шекті.
Шақыртуды 36 жастағы жасөспірімнің анасы берген. Құқық қорғау органдарының мәліметінше, әйелде галлюцинаторлық-параноидтық синдром байқалған. Отбасының екі мүшесі де психоневрологиялық диспансерде есепте тұрған.
Оқиға орнына келген медицина қызметкерлері жасөспірімнің дәретханаға қамалып алғанын анықтаған. Дәрігерлер оны сабырға шақырып, бөлмеден шығуға көндірмек болғанда, ол кенеттен есікті ашып, қолындағы пышақпен тап берген.
Алдын ала мәлімет бойынша жасөспірім жедел жәрдем бригадасы анасын алып кетеді деп қорыққан. Шабуыл салдарынан 40 жастағы фельдшердің беті тілініп, санитардың самай тұсы жараланған. Екеуі де Ф.И. Иноземцев атындағы қалалық клиникалық ауруханаға жеткізілді.
Шабуыл жасаған жасөспірім ұсталып, анасымен бірге мамандандырылған психиатриялық клиникаға жеткізілді.
