Оңтүстік Корея астанасы Сеулде кітап оқығысы келген жандар кітапханаға баруы шарт емес. Өйткені ол жақтағы көшенің өзі – кітапхана.
Ашық аспан астындағы оқу аймақтары саябақтарда, адамдар жиі өтетін қоғамдық орындарда орналастырылған.Бұл бастама кітап оқуды арнайы орынмен шектемей, осы бір жақсы дағдыны күнделікті қала өміріне жақындатуды көздейді. Жұмысқа бара жатып, түскі үзілісте, серуен кезінде кез келген адам кітап алып, бірнеше бет оқып кетеді. Қала билігі үшін ең маңыздысы, сол кітапханаға келетін адам саны ғана емес, оқуға деген дағдының қалыптасуы.
