Ағаштар бір-бірімен сөйлеседі дегенге сенбессіз, бірақ шындық. Ертеде ата-бабаларымыз ағашты тірі жаратылыс деп қарап, онымен сырласқан. Сөйтсек, бұл жай сенім емес, ғылыммен негізі бар түсінік екен.
Қазіргі заман биологтері мен микологтері орман ағаштарының бір-бірімен байланыс жасайтынын дәлелдеді. Олар жер астындағы тамырлар арқылы ғана емес, сол тамырларды орай өскен саңырауқұлақ жіпшелері арқылы ақпарат алмасады. Бұл күрделі жүйе «Wood Wide Web» деп аталады – ағылшынша атауының өзі интернетті еске салады. Мысалы, бір ағашты зиянкестер жауласа, көрші ағаштарға қорғаныс тетігін қосу туралы «ескерту» сигнал жібереді немесе үлкен ағаштар көлеңкедегі жас көшеттерге қоректік заттар беріп, көмектеседі.
