Меркі ауданының әкімі Ербол Жиенқұлов Сарымолдаев ауылдық округінде жұмыс сапарымен болып, тыныс-тіршілігімен танысты.
Аудан басшысы сапарын округ әкімдігінің жаңа ғимаратынан бастады. Ғимарат екі қабаттан тұрады.Қызметкерлерге арналған кабинеттер және жиналыс залы қамтылған. Содан кейін Ербол Жұмабекұлы округтегі «Жылы бұлақ Меркі» ЖШС-нің аумағында орналасқан ҰОС жауынгерлеріне арналған ескерткішпен танысып, жай-күйін білді.
Сонымен қатар М.Әуезов атындағы мектеп лицейдің ескі ғимаратында болып, не себепті апатты жағдайда тұрғаны туралы мәлімет алды. Алдағы уақытта күрделі жөндеу жұмыстарын жүргізу керектігін ескертті.
Аудан әкімі «Өркен» шығармашылық орталығының жұмысымен де танысты. Мекемеде оқушыларға арналған бірнеше үйірме ашылған. Олардың қатарында автокөлік ісі, аспаз үйірмесі, медицина, кеме модельдеу секілді үйірмелер бар.
Сондай-ақ Ербол Жұмабекұлы №9 Меркі колледжінде, «Мералко» ЖШС-інде болып, жұмысымен танысты.
