Қытайда Нью-Йорк көлемімен тең әлемдегі ең үлкен күн электр стансасы іске қосылды.
Станса жылына 6 миллиард киловатт-сағаттан астам энергия өндіруге қауқарлы және бұл көлем шағын елді энергиямен толық қамтамасыз етуге жетеді. Электр стансасы Шыңжаңның батыс бөлігінің шөлді аймағында орналасқан және 200 мың гектар аумақты алып жатыр.
Жаңа күн электр станциясы Қытайдағы «Ningxia Teneggeli» және «Golmud Wutumeiren» жобаларын басып озып, әлемдегі ең үлкен стансаға айналды. Бұған қоса, Қытай 2030 жылға қарай әлемдегі жаңа қуаттардың жартысынан көбін шығаруды жоспарлап отыр.
