Стоматолог Владимир Лосев тістің ақтығына зиян келтіретін өнімдер мен әдеттерді атады. Маман тістің ақтығына зиян келтіретін өнімдерге кофе, газдалған тәтті сусындар және қызылшаны жатқызды.
«Кофедегі какао майы мен ауыр көмірсулар эмальды бұзып, оған сары реңк береді. Кофеге сүт немесе кілегей қосқан дұрыс. Газдалған сусын тістің табиғи түсін «қышқылдыққа» өзгертеді және кальцийді шайып жібереді, бұл тістерді бұзады. Қызылшада хромоген көп, ол тістерде қою түсті өңез түзеді. Қызылшадан кейін міндетті түрде тісті тазалаған дұрыс», деді Владимир Лосев.
Оның айтуынша, ақ тістердің басты «жауының» бірі — шоколад, әсіресе ащы қара шоколад. Себебі, оның құрамында какао мөлшері көп болғандықтан, ол тіске қара реңк береді. Маман шоколад жегеннен кейін кейін тісті тазалауға немесе ауызды сумен шаюға кеңес берді.
«Темекі шегу эмальға жағымсыз сары реңк береді және уақыт өте келе тістерде қара дақтардың пайда болуына әкелуі мүмкін. Бұл жағдайда оның алдын алудың жалғыз әдісі — бұл зиянды әдеттен бас тарту. Антибиотиктерді көп ішпеуге тырысыңыз. Олар асқазан-ішек жолдарына ғана емес, сонымен қатар эмаль жағдайына да жағымсыз әсер етеді: ол оның сарғаюына және бұзылуына әкеледі», деп қорытындылады стоматолог.
