Еуропалық комиссия балалардың әлеуметтік желілерге қолжетімділігін реттейтін, бірыңғай ережелерді қамтитын заң жобасын әзірлеп жатыр. Құжатты жазғы демалыстан кейін таныстыру жоспарланған.
Еурокомиссия төрағасы Урсула фон дер Ляйеннің айтуынша, бүгінде мәселе онлайн-платформалардың балаларға қауіп төндіретін-төндірмейтінінде емес, олардың интернеттегі қауіпсіздігін қалай қамтамасыз етуге болатынында.
Жаңа ережелерге сәйкес, 13 жасқа дейінгі балалар әлеуметтік желілерді тек шектеулі режимде және ата-анасының бақылауымен пайдалана алады. Баланың жасы ұлғайған сайын әлеуметтік желілерге қолжетімділік кезең-кезеңімен кеңейтіледі.
Шектеулер ең алдымен, тәуелділік қалыптастыруы мүмкін немесе балалардың жас ерекшелігіне сәйкес келмейтін функциялары бар платформаларға қатысты болады.
