Облыс әкімі Ербол Қарашөкеев Мұғалімдер күніне арналған салтанатты іс-шараға қатысты.
Мерекелік жиын білім саласындағы жетістіктер туралы бейнеролик пен А.Тоқпанов атындағы облыстық қазақ драма театры әртістерінің қойылымымен ашылды.
Бұдан соң Ербол Қарашөкеев облыс педагогтерін кәсіби мерекесімен құттықтап, ізгі тілегін жеткізді.
Салтанатты іс-шарада білім беру жүйесін дамытудағы, өскелең ұрпақты оқыту мен тәрбиелеудегі жетістіктері үшін бірқатар мұғалімге «Еңбек ардагері» медалі, «Ы.Алтынсарин», «Білім беру ісінің құрметті қызметкері», «Облысқа сіңірген еңбегі үшін» төсбелгісі, сондай-ақ облыс әкімінің Құрмет грамотасы мен Алғысхаты табысталды. Бұдан бөлек, бірнеше номинация бойынша үздіктер қаржылай сертификатқа ие болды.
Мерекелік кеште Қазақстанның халық әртісі, Еңбек Ері Асанәлі Әшімов пен белгілі спорт шебері, Париж Олимпиадасының чемпионы Елдос Сметовтің видеоқұттықтауы көпшілік назарына ұсынылды.
Іс-шара соңы К. Әзірбаев атындағы облыстық филармония әртістерінің және өнерлі ұстаздар мен оқушылардың концерттік бағдарламасына ұласты.
