Тұрмыста қолданылатын техникалардың тұтқасы алынып-салынбалы болса, жуу кезінде қиындық тумайды. Тұтқаны алып, жуып, қайтып қондырып қоясыз. Кейбір тұтқа мүлдем алынбайды. Кір жиналып қалған осындай тұтқаны қалай жууды білмей дал боламыз. Мына бір кеңес осы жағдайдан оңай алып шығады.
Ондай тұтқаны тазалау үшін бізге нашатыр-әніс (анисовый) тамшысы, мақта, ескі тіс щеткасы керек. Нашатыр-әніс тамшысына малынған мақтаны алып, кір жиналып қалған тұтқаны сүртеміз. Қатты кірлеген жерін тіс щеткасымен ысқылаймыз. Техникаңыздың тұтқасы жарқырап шыға келеді.
