Әлемге әйгілі футболшы Криштиану Роналду YouTube каналын ашып, қысқа ғана уақытта 12 миллионнан астам оқырман жинап үлгерді.
«UR Cristiano» атауымен ашылған каналға 14 сағатта 12 видео салынған. Олардың ортақ қаралым саны 35,3 миллионға жеткен. Әзірге ең көп қаралғаны – Криштианудың әйелі Джорджина Родригеспен түскен видеосы. Қазіргі уақытта қаралым саны 8 иллионнан асып тұр. Спортшы соңғы шыққан видеосында алтын батырманы көрсетті. Футболшы балаларына оны алғашқы миллион оқырман жинағаны үшін алғанын айтты.
Еске салсақ, танымал ESPN спорт басылымы ХХІ ғасырдың үздік футболшыларының рейтингін жариялаған еді. Онда Аргентина құрамасының шабуылшысы әрі капитаны Лионель Месси көш бастап тұр. Ал, екінші орынға «Әл-Наср» клубының ойыншысы Криштиану Роналду жайғасса, «Барселона» мен «Арсеналдың» бұрынғы шабуылшысы Тьерри Анри үштікті түйіндеді.
