Жақында А.Асқаров атындағы орталық стадионда Меркі аудандық «Жастар ресурстық орталығының» ұйымдастыруымен «Ұлттық ойын ұрпақты шыңдайды» атты аула ойындарынан спорттық фестиваль өткізілді.
Жарыстың ашылу салтанатында «Жастар ресурстық орталығы» коммуналдық мемлекеттік мекемесінің директоры Нұрбек Жұманазаров пен Асанбай Асқаров атындағы Меркі көпсалалы колледжі директорының тәрбие ісі жөніндегі орынбасары Әсем Боранқұлова қатысушыларға сәттілік тіледі.
Аталған жарыста «Жамбыл» командасы І орын, «А.Асқаров» командасы ІІ орын, ал, «Ақтоған» командасы ІІІ орын биігінен көрінді. Жастарды ынталандыру мақсатында «Сарымолдаев», «Жаңатоған», «Андас батыр» командаларына Алғысхаттар табысталды. Жүлделі орын иегерлері арнайы дипломдармен және бағалы сыйлықтармен марапатталды.
